目前分類:那做工課那修行 (5)
- Jan 19 Fri 2024 22:55
期尾真忝頭
- Jun 21 Wed 2023 22:52
期末
度過了拚死拚活遍地哀嚎的週六補班課,殘存的一點力氣終於捱到了四天連假,大家都有鬆了一口氣的感覺。尤其這幾天熱到爆炸,上下班路途都覺得快中暑,精神恍惚,進到冷氣房才開始恢復一點氣力。
往前再撐一點,就暑假了。儘管今年要暑輔,但至少是暑假了。
#班班有冷氣是德政
- May 29 Mon 2023 16:32
未來志向
國中有一本生涯手冊,期末都要交回輔導室檢查每學期該完成的項目。我每次看到那些完全沒有辦法讀書且做事也不負責任甚至常常要別人幫他擦屁股收拾善後的學生在將來想讀什麼想做什麼的欄位填寫「飛機修護、汽車修護、護理科」的時候都看得膽戰心驚(事實上畢業後還真的很多學生會去那些高職五專就讀,現在少子化根本不用擔心沒學校唸)
拜託這些學校跟科系好好把關
- May 12 Fri 2023 23:00
運動心情好
記錄一下今仔日我感覺真特別的代誌。
下晡社團課,輪到我進前寫課程計畫時寫的「羽毛球課」。昨昏我特別共囡仔交代,今仔日愛紮拍羽毛球的用品來。宣布了後就開始聽著一寡聲音:阮兜無羽毛球球桮啦、是按怎欲拍羽毛球啦、我敢會當拍籃球就好……
我聽著掣一下,想講羽毛球球桮毋是厝內底就四常應該就有的物件?哪會有人in兜無?現場小調查一下,問看厝內底有球桮的人攑手,結果閣真正無全班攏有。今害矣,我無想著這點。只好共囡仔講,有的人加紮一支,無的人會使佮有的人輪流拍球。我閣建議講,若無,看欲考慮去買一支無?這馬一支球桮其實嘛袂蓋貴,俗的兩三百箍就買有矣。
今仔日中晝我閣共阮同事講,阮學生講欲去拍籃球,我毋知欲予去無?想講予囡仔加寡運動機會,若無紮球桮的人佇邊仔看無運動就足無彩,毌過予in去拍籃球閣變做另工in規氣攏莫紮球桮,直接就去拍籃球就好矣,按呢毋是我的本意……小可苦惱。
下晡上課進前,我閣換短褲、穿球鞋仔,共我紮的球桮提落去一樓。阮班的囡仔已經攏佇遐矣,嘛已經開始拍球矣。算算咧,差不多有咧欲20支球桮,賰無幾个真正無法度借著的佇邊仔看。我家己借一支予學生,我提一支佮一个查某學生拍。拍一下仔我就借予學生去拍,我巡巡咧,看逐家攏拍甲真歡喜,嘛無人共我走去運動埕抑是籃球場遐,攏足乖的佇我規定的所在拍球。其實阮學校嘛無啥物場所通拍羽毛球,就是佇兩棟大樓中彼空,拄仔好風會當予閘著的所在,較袂影響著拍羽毛球。學生嘛是輪流拍球,袂講一直歇睏,嘛袂無想欲換人,看起來拍甲真爽。我愛注意的就是莫予in走傷過倚三年仔的教室遐,驚吵著in讀冊,學校會有意見。
一節課過去,我嘛加減仔有運動著,時間到叫in收煞準備轉去教室,閣有進前共我講敢會當去拍籃球的學生講,原來拍羽毛球這爾仔好耍,會使閣拍一節課無?(後一節嘛是我的課)轉來教室了,in閣看別班的人佇阮本底咧拍的所在準備欲拍,足欣羨的表情。一直問講是按怎袂當閣繼續拍落去……我聽著足安慰,嘛真意外in的表現共我本底想的無仝,真好!
結果紲落來阮咧分後禮拜欲煮火鍋的組別,in分甲淡薄仔無爽快,因為足濟組攏無愛佮一个查埔學生仝一組。這件代誌予我想無,平常時仔有兩三个攏足好、嘛足愛做伙耍,哪會雄雄分組的時陣彼个查埔學生無人愛做伙仝一組?我搝一寡學生來邊仔問,結果毋知是in有運動著、拍了爽、心情好,攏足好禮開始佮我講一堆想法,我真正毋捌聽in講過嘛無知影原來彼个學生有這款的症頭!有當時仔閣會對我大細聲應喙應舌的一个查埔學生,嘛是沓沓仔佮我講伊對彼个學生的感覺(好禮甲我顛倒掣一趒)。
感覺運動了,囡仔的情緒較穩定,心情嘛加足好!我早時仔煩惱的代誌攏無發生,囡仔運動了變較乖巧,真正足意外的!看後回第二改拍羽毛球了會使有仝款效果無?
- May 04 Thu 2023 16:00
國中查埔幼稚化
以這馬國中查埔的心智年歲,
國中校園足需要一組會當消磨體力的遊樂區予in(跙流籠、幌韆鞦彼款)。
逐工攏佇遐想空想縫,
學校閣禁東禁西,
處理一寡五四三的代誌處理甲足siān......